Cyngor Bro Morgannwg
Vale of Glamorgan Council
Cost of Living Support Icon
​

Gorchmynion Diogelu Mannau Cyhoeddus (GDMCau)

Mae Gorchmynion Diogelu Mannau Cyhoeddus yn caniatáu i Gynghorau osod cyfyngiadau ar ymddygiadau penodol mewn mannau cyhoeddus

O dan Ddeddf Ymddygiad Gwrthgymdeithasol, Troseddu a Phlismona 2014, mae gan Gyngor Bro Morgannwg yr hawl i orfodi cyfyngiadau ar ymddygiadau penodol mewn ardaloedd dynodedig i helpu i gynnal diogelwch, glendid a mwynhad y cyhoedd.

 

Yn y Fro, mae sawl GDMC ar waith sy'n cwmpasu:

  • Rheoli materion sy'n gysylltiedig â chŵn (e.e. baw cŵn, cŵn oddi ar dennyn, parthau gwahardd cŵn)
  • Cyfyngu ar yfed alcohol mewn mannau cyhoeddus  

 

 

Adolygiad a Hyd

Mae GDMC yn ddilys am hyd at dair blynedd a rhaid eu hadolygu'n ffurfiol o leiaf unwaith bob tair blynedd i benderfynu a ydynt yn dal i fod yn angenrheidiol ac yn effeithiol. Yn ystod yr adolygiad, gall y cyngor ddewis ymestyn, amrywio neu ddirymu'r gorchymyn yn seiliedig ar dystiolaeth ac ymgynghoriad cyhoeddus.

 

Adolygwyd GDMCau ddiwethaf ar 15 Gorffennaf 2024 a byddant ar waith tan 14 Gorffennaf 2027. 

 

Gorfodi

Mae torri GDMC yn drosedd. Gall swyddogion gorfodi, staff y cyngor, neu swyddogion heddlu sydd wedi'u hawdurdodi gan yr awdurdod lleol gyhoeddi:

  • Hysbysiad Cosb Benodedig (HCB), fel arfer hyd at £100
  • Neu, mewn achosion mwy difrifol neu dro ar ôl tro, erlyniad yn y llys, a all arwain at ddirwy o hyd at £1,000

Parthau Alcohol Rheoledig

Mae rhai ardaloedd cyhoeddus wedi'u dynodi fel Parthau Alcohol a Reolir o dan ein GDMC. Nid yw hyn yn creu gwaharddiad cyffredinol ar yfed alcohol, yn hytrach, mae'n rhoi'r pŵer i'r heddlu neu swyddogion awdurdodedig weithredu dim ond pan fo yfed alcohol yn gysylltiedig ag ymddygiad gwrthgymdeithasol.

 

Dim ond os yw'r yfed yn arwain at ymddygiad gwrthgymdeithasol y gellir cymryd camau gweithredu, sef ymddygiad megis:

  • Aflonyddu neu frawychu
  • Aflonyddwch sŵn
  • Sbwriela
  • Troethi cyhoeddus neu ymddygiad anhrefnus
    • Map Parthau Alcohol Rheoledig

      

     

     

 

Ardaloedd lle dylid rhoi Tennyn ar Gŵn

Mewn rhai mannau cyhoeddus, rhaid cadw cŵn ar dennyn bob amser.  Gall yr ardaloedd hyn gynnwys mynwentydd, canol trefi, caeau chwaraeon, a pharciau.

 

Mae'r rheol hon yn rhan o'n GDMC i sicrhau bod cŵn o dan reolaeth mewn mannau prysur neu sensitif. Gallai peidio â dilyn rheolau tennyn arwain at ddirwy neu gamau gorfodi eraill. Chwiliwch am arwyddion a byddwch bob amser yn barod i roi eich ci ar dennyn pan fo angen.

    • Map Ardaloedd lle dylid rhoi Tennyn ar Gŵn
     

Ardaloedd Codi Baw Cŵn

Er mwyn cadw ein parciau, palmentydd a mannau cyhoeddus yn lân ac yn ddiogel, mae'n ofynnol yn gyfreithiol i berchnogion cŵn lanhau ar ôl eu cŵn.  Mae gadael gwastraff cŵn ar ôl nid yn unig yn annymunol ond yn peri risg i iechyd y cyhoedd.

 

O dan ein Gorchymyn Diogelu Mannau Cyhoeddus (GDMC), gall unrhyw un sy'n methu â thynnu ymaith baw eu ci wynebu hysbysiad cosb benodedig neu erlyniad. Cariwch fagiau bob amser a defnyddiwch y biniau a ddarperir.

 

  • Map Ardaloedd lle dylid Codi Baw Cŵn
     

 

Ardaloedd lle Gwaherddir Cŵn

Er mwyn helpu i gadw mannau cyhoeddus yn lân, yn ddiogel ac yn bleserus i bawb, mae gan rai ardaloedd waharddiadau cŵn ar waith.  Mae hyn yn golygu na chaniateir cŵn mewn lleoliadau penodol, fel ardaloedd chwarae plant, tiroedd ysgol, a chaeau chwaraeon wedi'u marcio. 

 

    • Map Ardaloedd lle Gwaherddir Cŵn
     

 

Gwaharddiad Cŵn ar Draethau

Rhwng 1 Mai a 30 Medi mae cŵn wedi'u gwahardd o nifer o draethau ym Mro Morgannwg.

 

I wirio pa draethau y mae'r gwaharddiad yn berthnasol iddynt, a pha draethau sy'n parhau i fod yn gyfeillgar i gŵn trwy gydol yr Haf, gweler: 

 

Gwahardd Cŵn ar Draethau

 

Nodwch fod y Gorchymyn Diogelu Mannau Cyhoeddus sy'n cwmpasu Aberogwr yn cael ei adolygu ar hyn o bryd ac yn amodol ar ymgynghori ymhellach â'r gymuned leol, felly ni fydd gwaharddiad traeth yn cael ei gymhwyso i Aberogwr yn ystod haf 2025.

Ymgynghoriadau 

Ar hyn o bryd nid oes unrhyw ymgynghoriadau parhaus ar gyfer GDMCau yn y Fro. 

 

I gael rhagor o wybodaeth, e-bostiwch: